Indien jy inskryf, verklaar jy die volgende:

1.                  Jy is 'n Suid Afrikaanse of Namibiese burger.

2. Jy aanvaar dat die reëls en bepalings van "Op my Eish seisoen 4" (die program) soos van tyd tot tyd neergelê sal word deur Wakanda Media SA (die "vervaardiger") en/of kykNET (die "uitsaaier") bindend is en jy aanvaar dat die besluite van die vervaardiger/uitsaaier finaal is.
3. Jy aanvaar dat jou regte in terme van die Kopieregwet, wet 98 van 1978 (soos gewysig), toegewys word aan die vervaardiger/uitsaaier en dat jou volle deelname aan die program opgeneem en uitgesaai mag word en dat die regte op hierdie uitsendings in die toekoms aan die vervaardiger/uitsaaier behoort, wat jou toewysing aanvaar.
4. Jy verklaar dat al die inligting wat in jou aansoekvorm verskaf is, waar en korrek is en jy aanvaar dat jy gediskwalifiseer kan word as die teendeel blyk en dat die vervaardiger en/of uitsaaier die inligting in jou aansoekvorm in die program mag gebruik.
5. Jy neem vrywillig deel aan die opname van "Op my Eish seisoen 4" en jy verstaan die aard van die program asook jou bydrae daartoe.  Jy is bewus van alle risiko’s wat aan die opnames verbonde is en jy vrywaar hiermee die vervaardiger/uitsaaier van enige eise, koste, skade of verlies wat mag voortspruit uit enige siekte of besering jy wat jy mag opdoen gedurende jou betrokkenheid by enige aspek van die program.