Boer Soek 'n Vrou 17 Pasmaats

Na die sukses van die vorige “Boer Soek ‘n Vrou” reekse, maak ons weer so! Niemand is gemaak om alleen te wees nie, so ons nooi jou uit om deel te neem aan "Boer Soek ‘n Vrou 17". Ontmoet ons 10 sexy, energieke en avontuurlustige Boere. Kyk of een van hulle dalk jou oog vang! As die stilte en die natuurskoon van ‘n plaas jou roep, as jy graag ‘n boer aan jou sy wil hê, is hierdie dalk net die geleentheid vir jou! Die “Boer Soek ‘n Vrou 17” reeks sal bestaan uit 14 een uur episodes, voorafgegaan deur insetsels wat op kykNET uitgesaai sal word wat die boere bekendstel sodat hulle potensiële metgeselle kan werf. Profiele en foto's van ons 10 boere kan gesien word op die kykNET webblad. DIE INSKRYWINGS SLUIT 20 NOVEMBER 2024.

Jy moet ongetroud en ouer as 21 jaar wees. Indien jy geskei of ‘n weduwee is, moet ‘n afskrif van die skeidokument of sterftebewys aangeheg word. Vorms wat nie onderteken is nie, of wat geen foto’s of ID dokumente of briewe insluit nie, sal nie oorweeg word nie.

ONTHOU, jy mag net vir EEN boer inskryf. Skryf op een van die volgende maniere in:

E-POS jou voltooide inskrywingsvorm (met bogenoemde inligting aangeheg) na: boer@wolflightsa.com
Skryf AANLYN in by kyknet.tv voor of op 20 NOVEMBER 2024
KOERIER jou voltooide inskrywingsvorm (met bogenoemde inligting aangeheg) na:
- “Boer soek ‘n Vrou 17”, 11 Coronation Avenue, SOMERSET-WES, 7130, of na PostNet 211, Privaatsak X15, SOMERSET-WES, 7129.
Indien jou aansoek suksesvol is, sal ons jou voor 22 DESEMBER 2024 per telefoon kontak.
Kontak MONIQUE by Wolflight Films indien jy enige verdere inligting nodig het by: 079 614 2229, of epos haar by boer@wolflightsa.com

Aangesien “Boer Soek ‘n Vrou 17” ‘n realiteitsreeks is, sal die gekose pasmaats hulself beskikbaar moet stel vir opnames op die boer se plaas (wat ‘n week mag duur) wanneer dit die vervaardigers se skedule pas en hulle sal van tyd tot tyd bereid moet wees om vir opnames (wat ‘n paar dae mag duur) weg van die huis af te reis. Opnames word in Kaapstad beplan om verskeie afsprake af te neem wat jy met die boer van jou keuse moet nakom.

* Ek aanvaar die bepalings en voorwaardes.

Indien jy inskryf, verklaar jy die volgende:

Jy is 'n Suid Afrikaanse burger.
Jy aanvaar dat die reëls en bepalings van "Boer Soek ‘n Vrou 17" (die program) soos van tyd tot tyd neergelê sal word deur Wolflight Films (die "vervaardiger") en/of kykNET (die "uitsaaier") bindend is en jy aanvaar dat die besluite van die vervaardiger/uitsaaier finaal is.
Jy aanvaar dat jou regte in terme van die Kopieregwet, wet 98 van 1978 (soos gewysig), toegewys word aan die vervaardiger/uitsaaier en dat jou volle deelname aan die program opgeneem en uitgesaai mag word en dat die regte op hierdie uitsendings in die toekoms aan die vervaardiger/uitsaaier behoort, wat jou toewysing aanvaar.
Jy verklaar dat al die inligting wat in jou aansoekvorm verskaf is, waar en korrek is en jy aanvaar dat jy gediskwalifiseer kan word as die teendeel blyk en dat die vervaardiger en/of uitsaaier die inligting in jou aansoekvorm in die program mag gebruik.
Jy neem vrywillig deel aan die opname van "Boer Soek ‘n Vrou 17" en jy verstaan die aard van die program asook jou bydrae daartoe. Jy is bewus van alle risiko’s wat aan die opnames verbonde is en jy vrywaar hiermee die vervaardiger/uitsaaier van enige eise, koste, skade of verlies wat mag voortspruit uit enige siekte of besering jy wat jy mag opdoen gedurende jou betrokkenheid by enige aspek van die program, insluitende Covid-19.

As jy verkies om die vorm eerder af te laai en te pos kan jy dit hier doen

< Back Next >